Trátase dun espazo adicado á divulgación científica que se poderá gozar de balde durante os catro días do festival de Vilaxoán.

O Escenario ‘Ondas e Partículas’ forma parte do programa de festivais do CERN e chega por primeira vez a Galicia da man do IGFAE, o FECYT Ciencia e innovación e a CERN and Society Foundation.

Ofreceremos charlas en directo con figuras da divulgación científica galega e estatal como Eduardo Sáenz de Cabezón, Verónica Bolón, Paula Desiré, Jose Edelstein e Adrián García, entre outrxs moitxs. Tamén algúns dos nosos artistas musicais pasarán por este escenario único.

Tamén poderedes participar en obradoiros, experimentos en directo e actividades (como crear xeados a partir de nitróxeno líquido) para descubrir o mundo que nos rodea dun xeito moi diferente.